Godjakodipe bašo Koronavirus (2019-nCoV)

Sar odola so cidena drumo te arakhen pes thaj averen?
Te cidena drumo ko phuva kote so isi epidemia taro koronavirus (2019-NCOV), valjani te:

Te na ovel tumen but kontakti nasvalencar taro respiratorna nasvalipa.

Te arakhen tumen taro paše kontakti dživde jali mule džanvarencar, kurke taro džanvarija thaj džanvarengjere produktoja.

Te na han džanvarengjere produktoja save so nae šukare takjarde.

Sekova fare thaj buteder te thoven tumare vasta sapunea thaj pajnea, majhari 20 sekundija.

Labaren alkoholna kosibna jali dezificiensia, te nae tumen ko adava vakti pani jali sapuni.

Ko thavdipe taro 14 divesa ko iranibe tari Kina jali aver phuva kote so isi epidemia taro Koronavirus (2019-nCoV), hačaren tumen sar nasvale jali isi tumen učeder temperatura, khujnena jali phareste lena hava, haberi keren ko numeroja ki pintura soj dende.

Phureder džene thaj džene hronično nasvalipanca save so isi olen ekspozicia ko bajrarkerdo riziko taro komplikacie, valjani te oven but samale thaj te šaj, te na džan ano drumo !

Semno taro Koronavirus (2019-NCOV)

• Tinanibe (učeder temperatura)
• Khujnibe
• Phareder havakeribe

O nasvalipa šaj te manginarel serioznikane komplikacie save so šaj te jondžarel i funkcia taro organia bašo havalejbe, kardiovaskularno sistemo thaj bubrekoja.

O nasvalipe šaj te averinel tari lokhi ki phari forma šajdipnaja bašo meribaskoro agor.

O sastakeribe taro e nasvale džene talo simptomatikano.

Nane vakcina bašo garajbe taro nasvalipa e koronavirusendar.

Ačhov khere, ikal dživdipe !