Засадени 20 нови висококвалитетни дрвја во паркот на Шуто Оризари

Денеска во паркот на Општина Шуто Оризари беше спроведена акција за засадување дрвја. Беа засадени 20 висококвалитетни дрвја комбинација на јавор и туја од типот на Chaminciparis ivone(златно-зелени садници).

Во акција се вклучи и Градоначаникот на Општината Курто Дудуш, кој ја подржа иницијативата за зазеленување на општината.

Спроведената акција, одговара на потребата од озеленување на повеќе јавни површини за заштита на животната средина и намалување на загадениот воздух. Општина Шуто Оризари во рамки на нејзината надлежност континуирано подржува, учествува и спроведува еко- акции за почист воздух, особено во овој период од годината.