Член 1

Со оваа Одлука Советот на Општина Шуто Оризари ја прифаќа Иницијативата на Градоначалникот на Општина Шуто Оризари за воспоставување меѓуопштинска соработка помеѓу Општина Шуто Оризари и Град Скопје заради подготовка, проектирање, финансирање и реализација на инфраструктурни проекти од заеднички интерес.

Член 2

Советот на Општина Шуто Оризари утврдува Предлог за воспоставување меѓуопштинска соработка со Град Скопје за подготовка на техничка документација, проектирање, обезбедување финансиски средства, реконструкција, рехабилитација, адаптација и изградба на следните инфраструктурни објекти:

1. Реконструкција и рехабилитација на улица „Македонско-косовска бригада” – 19;
2. Реконструкција и рехабилитација на улица „Македонско-косовска бригада” – 38;
3. Реконструкција и рехабилитација на улица „Македонско-косовска бригада” 50, крак 1;
4. Реконструкција и рехабилитација на главната улица во населено место Горно Оризари;
5. Реконструкција и рехабилитација на улица „Гвадалахара” – крак 2;
6. Реконструкција, рехабилитација и адаптација на улица „Смилевска” и сите нејзини краци на подрачјето на Општина Шуто Оризари;
7. Изградба на водоводна линија на улица 37 и Мак- кос бригада 19 во Општина Шуто Оризари.
8. Реконструкција и рехабилитација на ул Македонско косовска бригада 33;
9. Реконструкција и изградба а фекална канализација на македонскокосовска бригада 19.

Член 3

Предложената меѓуопштинска соработка има за цел подобрување на локалната патна и комунална инфраструктура, подобрување на безбедноста во сообраќајот, подобрување на условите за живот на граѓаните, обезбедување непречен пристап до јавните услуги, како и обезбедување за рамномерен инфраструктурен развој на сите делови на градот Скопје.

Член 4

Советот на Општина Шуто Оризари предлага Град Скопје да учествува во подготовката на проектната документација, обезбедувањето финансиски средства, спроведувањето на постапките за јавни набавки, стручниот надзор и реализацијата на проектите наведени во член 2 од оваа Одлука, согласно Законот за меѓуопштинска соработка и Договорот за меѓуопштинска соработка кој ќе биде склучен помеѓу двете единици на локалната самоуправа.

Член 5

Се овластува Градоначалникот на Општина Шуто Оризари да ја достави оваа Одлука, заедно со Иницијативата и Образложението, до Советот на Град Скопје заради разгледување и донесување соодветна одлука за воспоставување меѓуопштинска соработка.

Член 6

По прифаќањето на иницијативата од страна на Советот на Град Скопје, двете единици на локалната самоуправа ќе пристапат кон подготовка и склучување на Договор за меѓуопштинска соработка со кој ќе се уредат меѓусебните права и обврски, начинот на финансирање, динамиката на реализација, надзорот над изведбата и другите прашања од значење за спроведување на соработката.

Член 7

Оваа Одлука стапува во сила од денот на објавувањето во службен гласник на Општина Шуто Оризари и на веб страната на Општината www.sutoorizari.gov.mk

Член 1

Се прогласува и објавува Одлуката за усвојување на Одлуката за прифаќање на Иницијативата за воспоставување меѓуопштинска соработка помеѓу Општина Шуто Оризари и Град Скопје и утврдување предлог за воспоставување меѓуопштинска соработка, Советот ја донесе на Седницата одржана на 26-ти Јуни 2026 година.

Член 2

Ова решение влегува во сила со денот на донесувањето, а ќе се објави во „Службен гласник на општина Шуто Оризари” и на веб страната www.sutoorizari.gov.mk.