КУЛТУРома оглас за координатор

ОПШТИНА ШУТО ОРИЗАРИ

ЈАВЕН ПОВИК

за ангажирање проектен координатор за проектот
„Bridging Cultures Through Heritage – CULTURoma“

1. Предмет на јавниот повик

Општина Шуто Оризари објавува јавен повик за ангажирање едно лице – проектен координатор за спроведување на активностите на Општината во рамките на проектот „Bridging Cultures Through Heritage – CULTURoma“, финансиран од Европската Унија преку Програмата за прекугранична соработка Србија – Северна Македонија, ИПА III.

Проектот се спроведува во партнерство помеѓу Општина Бојник, како водечки партнер, Општина Шуто Оризари и ИРИЗ. Целта на проектот е унапредување на прекуграничната соработка преку зачувување и промоција на културното наследство, со посебен фокус на ромската култура.

2. Работни задачи и обврски

Проектниот координатор ќе ги извршува следните задачи:

• Координација на проектните активности што ги спроведува Општина Шуто Оризари;

• Следење на планот на активности, роковите и исполнувањето на проектните обврски;

• Редовна комуникација и соработка со водечкиот партнер, другите проектни партнери и општинскиот проектен тим;

• Подготовка на информации, прегледи и материјали за периодичните и завршните извештаи;

• Собирање, евидентирање и систематизирање на документацијата и доказите за спроведените активности и постигнатите резултати;

• Организациска поддршка при одржување состаноци, настани и други проектни активности;

• Координација со надлежните лица во Општината при подготовката и спроведувањето на планираните набавки;