СЕКОЈДНЕВНО РАСЧИСТУВАЊЕ НА ДИВИТЕ ДЕПОНИИ
Континуирано расчистување на дивите депонии
Секојдневни активности за почиста, поуредна и поздрава животна средина.
Општина Шуто Оризари секојдневно и континуирано спроведува активности
за расчистување на дивите депонии на целата територија на општината.
Расчистување
Отстранување на натрупан комунален, кабаст и друг отпад
од критичните локации.
Собирање и транспорт
Собирање, расчистување и транспортирање на отпадот
со соодветна механизација.
Заштита на средината
Подобрување на хигиенските услови и заштита на животната
средина и здравјето на жителите.
Активностите ги извршува фирмата
„ГОЛЕЦ ТРАНС“ ДООЕЛ од с. Желино,
ангажирана од Општина Шуто Оризари за собирање, расчистување и
транспортирање на отпадот од локациите на кои се создадени диви депонии.
Екипите секојдневно постапуваат на повеќе локации, во согласност
со утврдените потреби и приоритети на терен.
Со употреба на соодветна механизација се отстрануваат натрупаниот
комунален и кабаст отпад, градежниот шут и другиот непрописно
одложен отпад.
Посебно внимание се посветува на критичните
локации на кои дивите депонии се создаваат повторно, како и
на површините во близина на домовите, улиците и другите
јавни простори.
Целта е навремено отстранување на отпадот, подобрување на
хигиенските услови и заштита на животната средина и здравјето
на жителите.
Општина Шуто Оризари ќе продолжи со редовно следење на состојбата
на теренот и со преземање активности за почиста, поуредна и
поздрава животна средина.
Истовремено, ги повикуваме граѓаните одговорно да постапуваат
со отпадот и да придонесат кон зачувувањето на исчистените
површини.
Чиста и уредна Шуто Оризари е заедничка одговорност на сите нас.