ЈАВЕН ПОВИК за распределба на средства од Буџетот на Општина Шуто Оризари за 2026 година за спортски здруженија

Врз основа на член 15, 36, 61 и 84 од Статутот на Општина Шуто Оризари (Службен гласник на Општина Шуто Оризари), а во согласност со Законот за локална самоуправа и Буџетот на Општина Шуто Оризари за 2026 година, Градоначалникот на Општина Шуто Оризари објавува:

ЈАВЕН ПОВИК

за распределба на средства од Буџетот на Општина Шуто Оризари за 2026 година за финансирање на програми и проекти на спортски здруженија од областа на спортот

---

Право на учество

Право на учество на Јавниот повик имаат спортски здруженија регистрирани како здруженија на граѓани кои:

1. Се регистрирани за вршење на дејност во областа на спортот согласно Законот за здруженија и фондации;
2. Делуваат на територијата на Општина Шуто Оризари;
3. Мора кумулативно да ги исполнуваат следниве критериуми:
   1. Форма на регистрација – здружението да е регистрирано како здружение на граѓани (не како трговско друштво, установа или неформална група).
   2. Минимално искуство – најмалку 1 (една) година континуирано постоење и регистрирана спортска дејност (сметано до денот на поднесување на пријавата).
   3. Континуитет во работењето – доказ за непрекинато изведување на спортски активности во последната  година (годишни извештаи, програми, фотодокументација, список на натпревари).
   4. Број на активни членови – минимум:
      • 20 активни членови за екипни спортови;
      • 8 активни членови за индивидуални спортови (со доказ – список, членски карти,).
   5. Финансиска дисциплина – да немаат:
      • долгови кон Управата за јавни приходи;
      • изречена казна за злоупотреба на претходно доделени средства.
   6. Обврска за известување – редовен полугодишен и годишен извештај за реализацијата и наменското трошење на средствата. Доколку истиот не се поднесе навреме и уредно – враќање на средствата и исклучување од наредните 3 години.

---

Потребна документација

Задолжително се доставува:

1. Пријава – формулар;
2. Тековна состојба на здружението (не постара од 3 месеци);
3. Тековна изјава за вистински сопственик (не постара од 3 месеци);
4. Решение за вршење на спортска дејност;
5. Доказ за регистрација како здружение на граѓани (извод од Централниот регистар);
6. Доказ за најмалку 1 година постоење (прво решение за регистрација + годишни извештаи);
7. Потврда од УЈП за немање доспеани и неплатени даночни обврски;
8. Изјава под материјална и кривична одговорност дека здружението нема правосилна санкција за злоупотреба или ненаменско користење на буџетски средства во последната година;
9. Доказ за број на активни членови; ( список заверен од одговорното лице со име и презиме на членовите, датум на раѓање, статус на активен член, потпис/членска евиденција)
10. Годишна програма за работа со финансиски план (буџет);

---

Рок и начин на доставување:

Јавниот повик трае 14 дена, почнувајќи од денот на објавувањето во Службен гласник на Општина Шуто Оризари, на веб-страната на општината и на огласната табла на Општината.

Пријавата (формуларот) заедно со потребната документација се доставува:

• Лично во архивата на Општина Шуто Оризари, или
• Препорачано по пошта на адреса:

Општина Шуто Оризари
Хаџи Јован Шишко 36
1000 Скопје

(со назнака на плик: „НЕ ОТВАРАЈ – ЈАВЕН ПОВИК СПОРТ 2026“)

Забелешка: Пријавите со нецелосна документација или поднесени по истекот на рокот нема да се разгледуваат.

Последици од давање неточни податоци:
Доколку апликантот даде неточни податоци, истиот нема да може да аплицира во наредните 3
години.

Преземете ја Апликацијата

Преземете го целосниот Јавен Повик