Успешно завршена реконструкција на улица „Брегалница“ во Шуто Оризари – инвестиција од 1,5 милиони денари

Општина Шуто Оризари со задоволство известува дека е завршена реконструкцијата на улица „Брегалница“, долга 123 метри, во рамките на проектот финансиран од Декадата на Ромите. Вкупната вредност на оваа важна инфраструктурна интервенција изнесува 1.508.000 денари. 

Во рамките на одобрените средства се реализирани следните активности:: 

✔ Асфалтирање на коловоз (123 м) 

✔ Изградба на тротоари (70 м²) 

✔ Санирање на оштетени делови 

✔ Подобрување на безбедноста и функционалноста 

Оваа инвестиција значително ја подобри инфраструктурата, безбедноста и квалитетот на живеење за жителите на оваа населба. Новиот асфалт и тротоари ќе овозможат погодно и безбедно движење за сите граѓани. 

„Со оваа инвестиција, продолжуваме да ги подобруваме условите за живот во нашата општина. Благодариме на Декадата на Ромите за поддршката, како и на жителите за трпеливоста во текот на изведбата на проектот“, изјави Градоначалникот Курто Дудуш. 

Граѓаните сега можат да уживаат во модерна и функционална улица, а Општината останува посветена на реализација на слични проекти во иднина.