Одржан состанок на Советот за превенција при општина Шуто Оризари

Во согласнот со последните случувања во државата, поврзани со пожарот во Кочани и потребата итно да се ревидираат сите постоечки механизми за заштита од пожари и елементарни непогоди на локално ниво, Советот за превенција при општина Шуто Оризари на 26ти март оддржа состанок на кој покрај локалните институции беа присутни и претставници на СВР Сектор за превенција, Командирот на ПО Шуто Оризари и претставници на мисијата на ОБСЕ.

На состанокот се дискутираше за улогите на секоја институција поединечно и потребата од зголемена координација на истите и воедно со цел осигурување дека заедницата е подготвена да се справи со потенцијални ризици, се донесоа следниве заклучоци:

1. За образовните институции (градинки и училишта):
2. да се организираат редовни евакуациски вежби (барем еднаш месечно).
3. да се инсталираат детектори за чад, да се осигура дека противпожарните апарати се достапни и во функција.
4. да се вклучат образовни програми за учениците за превенција од пожари и однесување при катастрофи.
5. да се проверат излезите за итни случаи и осигураат дека се слободни и означени.
6. За локалните институции и јавни објекти:
7. Да се ажурираат плановите за итни случаи и обезбеди координација со пожарникарите и здравствената заштита.
8. да се осигура редовно одржување на електричните инсталации и грејни системи.
9. да се обезбеди пристап до вода за гасење пожари (хидранти, резервоари).

3. За бизнис заедницата (ресторани, кафулиња, продавници):

• Задолжително инсталирање на противпожарни апарати (минимум 1 по кат, ако се работи за поголем простор мин 1 на 50m2).
• да се осигура дека вратите за итни случаи се отклучени и означени во текот на работното време.
• да се обучи персоналот за користење на противпожарна опрема и евакуациски процедури.
• да се избегне прекумерно оптоварување на електричните кола.
• За верските објекти (џамии, цркви, храмови):
• да се провери стабилноста на конструкцијата и заштитата од атмосферски влијанија.
• да се осигура дека свеќите или други отворени пламени се користат под строг надзор.
• да се подготви план за евакуација при големи собири и да се објави на видливо место

5. Општи препораки за сите:

• Пријавувајте ги опасните ситуации на локалните власти.
• Учествувајте во обуки за прва помош и превентивни кампањи.
• Редовно одржувајте ги дрвјата и вегетацијата околу објектите за да се намали ризикот од пожари.

Безбедноста на граѓаните на прво место.