Kurto Duduš: I Romani čhib si majimportnanto elementi taro romano identiteti, barabutne te kera zori oleskere nacionalno thaj internacionalno afirmacia! Bahtalo 5 Noemvri – e Romane Chibjakoro Sumnalutno Dive !

Pakivalen mire sadizutne Roma,

Mukhen ko miro personalno anav thaj ko anav e Komunake te bahtarav Tumenge o dive tari romani čhib so avdive identiofikujnena pe upreder 50.000 Roma an I Republika Utarali Makedonia , thaj trujal 12 milionia Roma ki Evropa.

I Romani čhib, tradicia, kultura, historikano trujalipa thaj kulturakoro moldipa keren amen odova so siam avdive sar etnikani grupa – garvasiale em bare ko okova so reslem dži akan.

O Roma avdive tamikeren e kulturakoro pluralizmo, na salde ki Republika Utarali Makedonia numa em avri olatar, a i romani čhim fundirinela em inkorporirinela pe ko globalno čhibjakoro mozaiko ki them.

I romani čhib pobuter nane diskutabilno pučiba , numa majimportantno elementi taro amaro identiteti so valjani savore barabutne te kerea protektiriba amare avutnipaske em e avutne generacienge.

Ki komuna Šuto Orizari , I romani čhib si implementirimi sar fakultativno akti ko fundavno škole thaj ki maškarutni škola Šaip Jusuf kote so sikavaja amaro hazrkeriba ko kontinuirimo investiriba oleskere progresoske.

E dajaki čhib e Romengiri (romani chib) isi la trujal 33.000 lafia (vorbe), 26 vokalia, 8 padežia thaj taro 17 mašakr havljarde dialektoa so primal o UNESKO si šukar baza ki modernizacia em finalno standardizacia.

I komuna Šuto Orizari sikavel hazrkeriba baši kolaboracia e Ministeriumea baši Kultura em sa aver themakere institucie ko suporto olengere aktivitieteske te šaj vazdel pe majzorale te kerel pes o istemalkeriba e romane čhibjake prekal štampibe literature ki romani čhib , imeplementacia e čhibjake ko mediumia, sikljoviba e romane historijake thaj kulturan ko sikavibaskere lila , kreacia romsko profesionalno educirimo kadari thaj revizia ko saikerina e lilenge bašo sikljoviba so kerena entocentrizmo.

Barabutne sare te kera zori ki nacionalno em internacionalno afirmacia e romane čhibjake sar moldipa taro vitalno importantno element ko tamikeriba inkluzivno sasoitnipa koheziaja so bazirinel pe ko utsavalkeriba e multietnikano etnikano diverziteti.

I komuna Šuto Orizari ačhola saste te kerel buti ko arakhiba e etnikane identeteske ki afirmacia , promocia thaj progress e romane čhibjake sar majimportantno alka ko vazdiba e romane identeteske.

Bahtalo 5 Noemvri – e Romane Chibjakoro Sumnalutno Dive !