Спроведена акција за чистење на депонијата помеѓу Визбегово и Шуто Оризари

Градоначалникот Курто Дудуш и Претседателот на Општинскиот Совет Фатима Османовска заедно со граѓаните на општина Шуто Оризари и општина Бутел спроведоа акција за чистење на депонија на граничната линија помеѓу општина Шуто Оризари и општина Бутел.

Градоначалникот Курто Дудуш апелираше до сите граѓани совесно да се однесуваат кон исчистените локации и да се заложат заедно за здрава и чиста животна средина со учество и почесто организирање на вакви еколошки акции.

Целта на овие акции е подигнување еколошката свест кај граѓаните и зајакнување на одговорноста за чиста околина. Мотивот за организирање на оваа еколошка акција е загадениот воздух кој најмногу ги афектира децата и нивното здравје .